Претседателот на СДСМ, Димитар Ковачевски објави на Фејсбук дека на вечерашниот Централен одбор на СДСМ ја добил довербата да биде мандатар на новата влада.
— За мене е огромна чест и одговорност што денес од ЦО на СДСМ ја добив довербата да бидам мандатар на идната Влада! Тоа е предизвик кој сум подготвен да го прифатам и посветено да работа за да ја оправдам довербата. Продолжуваме со седницата на ЦО за избор на ново раководство, како и нови членови на Централен и Извршен одбор на СДСМ. СДСМ ќе се реорганизира, ќе продолжи да се демократизира и модернизира. Партијата е отворена за вклучување на нови луѓе кои ќе ги одликуваат знаењето, чесноста и посветеноста на социјалдемократските вредности, напиша Ковачевски вечерва на Фејсбук.
Source link: www.24.mk
