Ковачевски: Постигнавме договор за минимална плата од најмалку 18.000 денари

Премиерот Димитар Ковачевски објави дека е постигнат договор со Сојузот на синдикати и со работодавачите за минимална плата од најмалку 18.000 денари.

Како што објави Ковачевски на својот фејсбук профил, 80.000 сограѓани, работници во различни индустрии, почнувајќи од мартовската плата ќе земаат најмалку 18.000 денари.

— Среќен сум и задоволен што можам да соопштам дека постигнавме договор и со Сојузот на синдикати и со работодавачите. 80.000 наши сограѓани, работници во различни индустрии, почнувајќи од мартовската плата ќе земаат најмалку 18.000 денари, рече премиерот Ковачевски. по завршување на седницата на Економско-социјалниот совет.Оваа сума, како што рече, означува раст на нето платата на овие работници за околу 45 евра месечно.

— Ветивме и реализираме мерки кои директно го помагаат животниот стандард. Во исклучително кризна година, година на европски и светски кризи, остануваме фокусирани на финансиска поддршка на граѓаните, напиша потоа на Фејсбук премиерот Димитар Ковачевски.

Source link: www.24.mk